青少年精英深入奧脫福

廣告板列中文名送驚喜

一眾青少年精英抵埗後到曼聯主場奧脫福「朝聖」，先於主題餐廳「Red Cafe」用膳，然後在導遊講解下深入「夢劇院」，了解這支英超強隊背後的歷史，青年領袖陳震愿（Savio）表示大開眼界：「英國球場同香港唔同，球場屬於球會本身，所以球會可以做更多主場布置，球隊有固定嘅球場用，更有利球會發展。我亦無諗過球場設計會有咁多細微位，例如地底用嘅儲水配備令草地更靚，有助比賽順利舉行，原來球場喺睇波之外，仲可以咁多功能。」在參觀中途曼聯更為青少年精英送上驚喜，於場內電子廣告板上列出他們的中文名字，並於更衣室內放置專屬球衣，難怪原本身為車路士球迷的Savio都非常興奮。

為更「貼地」感受英國足球文化，Savio與其他青少年精英就選擇現場觀看曼聯U23的賽事，亦巧合遇上勞基梳爾及艾舒利楊格有份正選上陣，雖然賽事最後以1比1言和，但Savio認識到英國足球成熟的一面：「比賽即使是次一級，但氣氛及入場人數都不俗。英國足球文化講求『Support you local team』，原來並不止支持一隊，連青年軍都要撐！」

袁志浩曼徹斯特直擊