透過足球重拾自信心
香港的「無家者」準則，除露宿者外，也包括兩年內因心理情緒病而離家接受治療的康復者、釋囚及成功戒毒戒賭人士。而今屆代表隊的兩位成員——伍暵霖（Santo）與黃錦邦（Pong）都曾深受毒害。在今屆賽事，Santo被選為隊長，他表示︰「希望今次入選嘅球員可以畀自己一個目標，透過比賽同訓練重拾工作同足球嘅自信心，令整個人生活得到改善，唔想再令身邊嘅人失望。」他又指自己作為隊長希望可以帶領球隊更加團結，令大家可以互相幫忙，互相鼓勵。
領隊黃迪霖︰名次只係其次
至於Pong，過去曾因涉毒入獄，於今年2月才獲釋，今次他遠征奧斯陸更得到僱主Adam的支持，讓他以有薪假期去為港爭光。Pong除了感謝Adam支持外，亦表示希望令自己增強自信心︰「自己以前無咩自信，又有好多壞習慣，今次可以入選就希望可以改善到。」
代表隊領隊黃迪霖就喜見球員有所進步，他表示︰「今次比賽名次只係其次，最重要透過訓練同活動令球員生活得到改善，離開以前嘅壞習慣，帶來正面的影響。由於隊內有嚴格規定，禁止吸煙、飲酒等行為，相信可以令隊員戒掉不良習慣。」