逾10足球隊想搵保特試腳

跑完告別戰去多蒙特探班

據其經理人近日爆料，有超過10支足球隊（有指係12隊）發出邀請，想保特去試腳，至於是哪些球隊？佢就賣晒關子，只係話保特會去德甲勁旅多蒙特一轉，事關「蜜蜂兵團」嘅高層係佢老友囉。

不過經理人坦言，年過30歲的田徑運動員好難喺英超或德甲等高水平聯賽立足，但保特肯苦練6至9個月，應該夠踢英甲或英乙有餘，之後佢又補充，保特最想喺歐聯上陣，如果冇得踢肯定會打佢個頭咁話。現年31歲嘅保特坐擁奧運8金，並勇奪11次世錦賽冠軍及6次打破世績。而喺今屆假倫敦奧林匹克體育場舉行嘅世界田徑錦標賽，呢位牙買加飛人會衝擊男子100米及男子4x100接力兩項冠軍。