甲一球星紅館打波勁好Feel
昨晚頭場上演甲一球星All-Star賽，當中東方龍獅球員如李琪、陳兆榮和方誠義（阿Ga）都有出席，賽後眾人均稱在紅館打波氣氛極佳，希望未來甲一總決賽有機會在此舉行；首次踏足紅館舞台的李琪，期望有更多大型籃球活動在港舉辦，吸引更多人投資籃球。
阿Ga為陪老婆考慮新動向
問到「阿Ga」未來動態，他表示先放個假，之後再考慮，但向來是好丈夫的他坦言希望有更多時間陪太太：「今季因球隊參戰ABL，經常要飛來飛去比賽，加上老婆係空姐，大家少咗好多時間相處。自己總算試過做全職球員，正在考慮新季係咪會有新發展。」
今年踏入33歲，方誠義賽後向記者透露大約兩年後便會退役，希望退役前可再拿一次冠軍指環：「其實季後有幾支甲一球隊都有聯絡我，好似飛鷹，自己亦唔排除回巢永倫，希望喺退役前再拎多次冠軍。」