台灣小將捱熱睇愛隊

除咗記者之外，尋日亦有數10名球迷，無懼炎熱天氣照去睇FC東京操練，期間留意到觀眾席有人講「煲冬瓜」，原來佢哋係來自新竹一支名叫雷虎嘅球隊，陣中十幾位台灣小學生嚟日本集訓6日，並與唔同球隊「拍跳」，順便睇FC東京操練偷師。被問到鍾意邊隊球隊，呢班小朋友異口同聲話係FC東京，果然識做喎！教練吳明政話今次帶隊訪日踢10場波，閒談之間仲透露其足球導師正正係前港腳趙俊明，認真蹺。