傑志爭聯賽第9冠 要平精工紀錄
去季港超聯「3冠王」傑志，昨午舉行新球季發布會並且開操，雖然「藍鳥」今夏增兵不及其他球隊活躍，但去季獲選年度最佳教練的朱志光表示，目前仍未看到新一季具威脅的對手，誓要力爭球會史上第9個頂級聯賽冠軍，追平昔日班霸精工的紀錄！
對於爭標對手東方龍獅曾揚言來季「要金不要銀」，「朱Sir」則揚言「要打過先知」：「東方龍獅要爭金好困難，今年隊隊都加強實力，隊隊都話要成績，要打過先知！傑志喺2010年（10-11賽季）贏得頂級聯賽，至今7個年度27個主要錦標當中攞咗13個獎盃，係一個好好嘅成績！不過我哋唔會驕傲，希望傑志唔止喺香港有人識，喺亞洲都有人識！」
相比港超其他球隊，傑志今夏的人腳調動較少，除約滿的羅勳奴及沈國強離隊，球會只簽下上季效力和富大埔的盧卡斯，重召安基斯及從中甲回流的「福保羅」保連奴歸隊。然而，「朱Sir」認為穩定性才是球隊優勝之處：「東方龍獅之前亞洲賽經驗唔多，喺雙戰線方面可能處理得冇咁完善，但傑志年年都有亞洲賽事踢，喺安排上有一定經驗。」
保連奴回流8月復操
從中甲深圳佳兆業回流的保連奴仍在養傷，但他表示目前進展良好：「目前持續跟球隊同香港隊嘅體能訓練員進行復康治療，有望於8月復操。我喺深圳佳兆業大部分時間受傷，但起碼都見識到佢哋嘅訓練方式同強度，希望來季自己可以有所發揮。」
傑志新季要代表香港出戰亞冠盃分組賽，3場主場賽事都會在香港大球場舉行。球隊新一季班費預算達3,300萬港元，當中一隊佔約2,300萬，其餘1,000萬用作其他梯隊及中心營運。季前大軍會拉隊到南韓集訓，期間會與南韓各級別對手拍跳3場。
