撐勇士冧莊！KD喪減7400萬續約

美國傳媒爆料，杜蘭特（KD）願意大幅度減薪與勇士續約，同意簽下總值5,300萬美元（約4.1億港元）的「1＋1」兩年合同，下季年薪減少950萬美元（約7,400萬港元），目的是幫勇士慳2,000萬美元（約1.5億港元）豪華稅，騰出薪酬空間保留總冠軍陣容，確保自己可以至少拎多1隻NBA總冠軍指環。

另外，有報道話杜蘭特在度假期間，主動出面幫勇士招攬湖人主將歷克楊格，睇得出「KD」非常希望長留勇士發展！

另方面，紐約人已經通知部分球員經理人，計劃交易隊中頭號球星安東尼，打算徹底進行重組。由於安東尼與占士夏登、基斯保羅關係非常好，這位球星很有興趣轉投火箭，組成Big3趕上組團大潮流。

雖然報道指出，安東尼與火箭教練迪安東尼曾有過節，兩人於紐約人合作期間鬧不和，不過為了爭總冠軍，安東尼亦不介意放低成見，重新建立互信關係！