想成為一個迷人嘅模特兒，有人話唔使靚樣同才藝，最緊要係胸前有一條誘人嘅深溝。呢種講法雖然有啲偏頗，但係亦反映出男士對深溝嘅迷戀，而南韓車模姜怡娜就係憑住深溝而獲得極高人氣，加埋形象可塑性高，成功上位。
之所以話僅憑一條深溝，就足以成為人氣模特兒呢種講法偏頗嘅原因，係因為火辣身材固然重要，但係並非成功嘅全部，仲要配合埋出眾嘅樣貌同氣質先至得。而出生於南韓首爾嘅姜怡娜，正可以印證到呢種講法。擁有高挑身材嘅佢，34、25、35嘅三圍數字相當有睇頭，若然佢當年唔決定做模特兒嘅話，實在係暴殄天物。點解咁講呢？事關阿妹畢業之後，一直諗住從事市場發展嘅工作，並希望能夠成為一位事業成功嘅白領儷人，因此佢從未諗過會成為模特兒，喺眾人面前搔首弄姿。
2011年因為工作關係需要搵一位女性試鏡，而擁有亮麗外形嘅怡娜就被人推舉出嚟，估唔到呢次機會，竟然令佢愛上咗模特兒工作，並且萌生轉投模特兒界嘅念頭，咁啱呢個時候，佢被模特兒事務所睇中，問佢有冇興趣兼職做Model，怡娜覺得要做好一份工作嘅話，就一定要專注，因此佢辭咗份工，正式展開模特兒生涯。經過一輪訓練後，終於迎嚟第一份工作，不過唔係做攝影模特兒，而係以車模身份喺首爾車展上登場，火辣身材加上迷人嘅高雅氣質，令佢獲得極高嘅評價，同時人氣急升。
首次演出獲得好評，為怡娜打下強心針，表現愈嚟愈有自信，更成為車展嘅常客，並先後成為多個汽車品牌嘅車模。隨住人氣不斷攀升，怡娜亦唔再滿足於現狀，及後佢踩入賽車女郎界，喺南韓舉辦嘅超級房車賽上亮相，性感又火辣嘅賽車女郎制服，令佢魅力四射，胸前展露出嘅深溝，更成為全場最亮眼嘅焦點。憑住呢次成功嘅演出，不但令佢嘅名字為人所熟悉，而佢嘅照片更被網民熱搜，之後佢被車隊睇中，成為賽車隊伍嘅專屬賽車女郎。
不過對事業有相當野心嘅怡娜，一直希望能夠成為一位全面嘅模特兒，因此近年佢積極往多方向發展，先喺電玩展化身性感電玩女郎出現，又喺多個商品展銷會上以Show Girl身份示人。不過講到展現出多元化魅力，莫過於拍攝平面硬照，事實上，擁有極高可塑性嘅怡娜，透過唔同造型散發出各種唔同嘅氣質，好似佢曾經喺一輯寫真中化身為賽車維修員，雖然一身油污造型，但卻展現出一股硬朗味道，因而備受讚賞。另外，佢又以狂野嘅爛絲襪造型拍攝寫真，展現野性味道，一改佢以往高雅嘅形象，難怪佢話未來嘅事業，將會以平面攝影工作為重心。
簡介：姜怡娜最為人印象深刻嘅地方，除咗激凸嘅上圍及誘人嘅胸前深溝之外，一直為人所熱愛嘅，係佢豐富嘅可塑性，化身成高雅氣質女郎又得，變身成野性之女亦掂，如此百變形象，試問點可能唔成為炙手可熱嘅模特兒呢？如果大家想了解阿妹多啲，就要Click入呢個網站喇！
網址：http://cafe.daum.net/inaheeme
出生地：首爾
身高：172cm
三圍：34、25、35
撰文：魂