港超隊：肯畀晒錢咪得囉！
港超聯球會每月例會昨午假旺角場舉行，會後召集人九巴元朗會長王威信向在場傳媒表示，會上主要就新一季R&F富力的情況作討論，包括「外援註冊」及「主場安排」等。「只要R&F富力方面，答允其他9間港超球會『不需要額外使費』嘅要求，原則上大家唔抗拒北上作客，但一切都要等周一（19日）嘅競賽小組會議，先可以通過。」
據王威信透露，會上R&F富力代表表達了該隊，新一季希望主場賽事安排在廣州燕子崗體育場舉行的意願，其他港超球會代表均有發表意見，支持和不支持都有，經過一輪討論後，大家得出共識。
要跟足外援註冊制度
王威信透露：「大家最後提出，只要R&F富力方面願意為作客一方提供2晚酒店住宿，同埋所有交通、保險、簽證等等嘅開支，等作客一方『唔使有額外支出』，就唔介意北上作客。」王威信亦提到，各港超球會都希望R&F富力，在球員註冊方面可以「跟大隊」，即外援註冊「註6出4」，而所有國內球員均視為外援。
與此同時，王威信提到因新一季港超聯會由10隊角逐，為保持每隊有足夠比賽，周一（19日）舉行的競賽小組會議，會就新一季的盃賽數目、賽制及開鑼日期等作詳細研究，一有定案會盡快向球迷公布。