球場難忍英雄見白頭，南華今季表現低迷，身為精神領袖的偉豪也難逃捱批，惟在「少林寺」宣布自降甲組之時，這位鐵血老將仍選擇共同進退：「做球員，其實永遠都唔會知道邊場先係自己最後一場。由細到大，我自問唔算最好波，但能夠踢到今時今日，時間就係最好證明，我仲未想掛靴住。」面對未知將來，偉豪輕鬆以對，但說到17年港隊生涯，始終有憾：「由我入港隊已經話起訓練基地，到我退出都仲未落成，只可以講我輸咗畀佢哋（政府），希望將來我兩個仔有機會可以踢到。」走過球市黑暗低谷，見證世盃外全城哄動，笑看港足起落17年，還有甚麼可以打倒陳偉豪？