球會篇：少林寺自降甲組 陳偉豪感無奈
南華昨日宣布自降甲組震驚球圈，身為南華隊長的陳偉豪直言難受，但球會本身也是受害者，本身與「少林寺」仍有一年合約的他願意留隊共同進退，換個身分協助年輕小將東山再起。
儘管南華會的決定受到不少球迷非議，偉豪深信會方也是逼不得已：「今次事件其實唔止球員，其實球會本身都係受害者，有關方面過去一個月經過慎重考慮之後作出嘅最好決定。球隊根本無足夠球員去角逐下季港超聯，有合約嘅球員只得9個（6個本地，3個外援），點繼續呢？」偉豪透露南華前度足主張廣勇與不少球員簽下私人合約，但在他離任後悉數無效，現時僅得他與保贊、謝家強、高美斯、卡路士、陳肇鈞和羅曉聰等球員仍有約，加上當中涉及合約與金錢糾紛，會方逼於無奈才出此下策。
球員不足挑戰港超
相比起南華10年前降班，偉豪坦言今次對香港足球打擊更大，「相信冇人會諗過南華唔喺頂級聯賽，如果連南華都會『自降』嘅話，每一個球員都會諗，下一個會唔會輪到自己呢？球市啱啱先有番啲起色，呢個消息實在好可惜。」東方龍獅去季出現財困後也有「白武士」現身，但偉豪不存厚望：「依家根本唔係錢嘅問題，係唔夠球員，同冇一個合適、信得過嘅人管理，咁先係最無奈嘅地方。」偉豪最後向「擁南躉」贈言：「咁多年嚟，南華威咗好耐，威過好多次，今次嘅決定會方都好無奈，亦冇人想！所以希望所有真正支持南華嘅球迷，無論喺邊個組別，都繼續擁南。」