球圈反應
山度士（前南華中場）：我對南華會嘅決定，感到好詫異同唔開心，但係冇辦法啦，喺甲組見啦！
貝鈞奇（足總副主席）：南華申請降班原因係培訓新人，以往足總試過接受球隊降班，不應該另加罰則，而且南華係綜合體育會，並非只得足球，落低組別仍可運作。
梁芷珊（香港飛馬主席）：心情複雜，有啲『嬲嬲豬』，睇吓之後有何結果。
李健和（前南華中場）：南華咁有歷史。希望今次決定係短暫性，下年或後年盡快升返上嚟，始終冇南華會嘅港超，確係失色唔少。
廖俊輝（港隊助教）：南華足主呢個位總有人感興趣，球圈千變萬化，下一刻可能唔同晒，或者會有『白武士』出現，總之未開季都有轉機。
葉鴻輝（東方龍獅門將）：我都踢過南華自然感可惜，南華退出對球市影響很大，東方龍獅亦少咗個好對手，對球員及球迷都是損失。
