「從來唔播佢啲歌」 居里寸爆Rihanna
「咖喱仔」寸爆Rihanna隨時得罪歌迷！NBA總決賽Game1期間，美國樂壇天后Rihanna出晒風頭，這位騎士「大帝」勒邦占士擁躉全場不斷向勇士柴台，勇士控衞史堤芬居里日前被記者問到：「喺更衣室會唔會將Rihanna嘅歌曲列入黑名單？」「咖喱仔」即寸爆回應：「我哋從來都唔會播佢啲歌喎！」
Rihanna於Game1的舉動，已經令勇士主將杜蘭特嬲到怒睥佢，氣氛相當火爆。但原來比賽期間，現場還有位勇士男球迷大聲呼喝Rihanna，叫她不要企起身嘈喧巴閉，這位粉絲大有來頭，原來是蘋果公司軟件及互聯網高級副總裁庫埃，負責掌管音樂串流。賽後有Rihanna粉絲發起杯葛，要求庫埃道歉，史堤芬居里公開寸爆這位樂壇天后，小心得罪她的粉絲，被公然「圍剿」呀！
（LeSports HK應用程式周一早上8時直播Game 2賽事）
