數據分析勇士96%封王 鄉里熄機唔撐騎士
NBA總決賽Game 2明早上演，勇士經歷首仗大炒騎士鼓舞下，今仗再於主場出擊，有望再下一城！《ESPN》於Game 1後利用分析系統得出結論，勇士捧盃機會高達96%！不過勇士對騎士擔綱演出的總決賽連續3年上演，毫無新鮮感，連累Game 1收視率勁跌，當中更以克利夫蘭的觀眾跌得最勁，莫非騎士粉絲都打定輸數？
（LeSports HK應用程式周一早上8:00直播）
《ESPN》的科學化數據分析系統BPI（籃球力量指數），在Game 2舉行前公布最新預測，勇士捧走今屆總冠軍機會提升至96%，以總比數4比0橫掃封王機會亦達33%。即使撇開數據預測，NBA史上贏得總決賽首戰的球隊中，有7成屬最後冠軍，難怪各界一致睇好先拔頭籌的勇士，能夠重奪冠軍寶座。
卡爾Game 2復出領軍
勇士在今季季後賽未嘗一敗，已連贏13場波，氣勢勁到「冇朋友」，Game 2賽前更收到喜訊，因傷缺陣多時的教練卡爾，據報今仗可復出領軍，消息指卡爾其實上仗已經希望復出，但因背傷情況反覆而押後，今仗能回歸指揮，肯定令勇士士氣大振。至於騎士教練路爾就表明不會改變正選陣容，但要求球員打得更加體力化。
另外，ABC電視台公布Game 1收視點為12.4，為近3年總決賽Game 1最低數字，比去年下跌6%，其中克利夫蘭的收視更出現暴跌，比前年及上年下跌19%和7%，是歷來有騎士參與的總決賽最低Game 1收視，看來騎士要使出渾身解數，方可挽回球迷歡心。
