終於落實喇！英超昨日正式官方宣布，兩年一度的英超亞洲挑戰盃今夏將在港舉行，4支參賽球隊分別是今季英超排第4位的利物浦、2015/16年冠軍李斯特城、西布朗及水晶宮，比賽日期為7月19日及7月22日，門票暫定6月初開始發售，有關售票詳情稍後宣布！
英超亞洲挑戰盃由2003年開始、每隔兩年選擇於唔同亞洲國家同地區舉行，上屆2015年主辦國家是新加坡，冠軍由阿仙奴奪得。今次是香港第4次主辦英超亞洲挑戰盃，之前3次分別係喺2007、2011及2013年，不過與過去7屆唔同，今屆是首次有4支英超球隊東來參賽，沒有主隊獲邀參賽。