Alpha Go無緣爭標魯殊呵番

「渣打5人挑戰盃」總決賽前晚喺利物浦3比0擊敗米杜士堡英超賽後，緊接喺晏菲路球場上演，8支參賽球隊先分成兩組進行單循環分組賽，再按排名喺8強碰頭，一步一步爭奪冠軍。由紅軍名宿魯殊領軍嘅香港代表Alpha Go，分組賽首戰最後30秒被新加坡逼和，其後兩仗對坦桑尼亞及波札那都落敗，以最後1名殺入8強再負於英國腳下，無緣爭標，但係魯殊認為一班球員一場比一場進步，值得嘉許。最後新加坡同英國殺入決賽，踢到互射點球，由「獅城」摘冠。