南華鬥飛鷹Duncan唔輕敵
本地籃壇大賽一個接一個，6月1日港籃將會出發前往日本，為東亞籃球錦標賽備戰，今個星期聯賽將會是東亞錦前最後4場，之後聯賽會停戰兩星期再重開。今晚在灣仔修頓場館7時上演的頭場，先有力爭首勝的南青對遊協，尾場8時40分展開飛鷹硬撼南華，上仗飛鷹幾乎擊敗永倫，南華隊長惠龍兒（Duncan）坦言今晚之戰絕不易打！
飛鷹在聯賽首戰不敵標準福建，爭前4形勢比較下風，但反而激起球員鬥志，上仗面對永倫大部分時間都「咬住唔放」，令黃金戰士幾乎輸波。正所謂前車可鑑，今晚南華迎戰飛鷹，當然不敢輕敵：「今場波一定不會易打，有一定挑戰性，永倫都需要打到第4節才拋開飛鷹，因此我們不會輕敵，只要由防守做起，球隊就一定會贏波。」Duncan說。
南青爭開齋強戰遊協
「飛鷹打法相當有侵略性，我認為南華不可以只針對某一個位置，例如飛鷹的Scott Ewing和一些本地球員得分能力都好高，所以防守一定要做得夠全面。」上場為飛鷹轟入21分的「阿E」韋利斯，正是Duncan今仗嚴防的目標。早前Duncan曾特別到球場「吼路」，今晚兩位中鋒對決，亦是球賽看點之一！頭場方面南青對遊協，南青上仗在關鍵「搶4大戰」不敵標準福建，吞下聯賽3連敗，今晚面對實力較弱的遊協，絕對希望贏波開齋，一振軍心。