完成「史上最chur」旅程 吳安儀攬4冠榮歸
一個月內連贏4個冠軍的「四眼Cue后」吳安儀昨晨榮歸，父親吳任水亦有到場接機，不少市民上前合照，大讚安儀為「香港之光」！她到港後即不忘向正在參加世界場地單車錦標賽的好友李慧詩打氣，鼓勵Sarah繼續「加油」!
吳安儀最近一個月橫掃世界女子職業桌球賽、世界女子6個紅球、世界女子10個紅球賽、亞洲女子桌球公開賽冠軍，她形容自己今次可謂「爆Seed」，由於臨時才獲邀參加男子外圍賽，她笑言今次旅程應是「史上最chur」，但能與男子球手對戰，的確獲益良多，特別是學習應付大賽的心態調整：「好多人會話我好犀利，但其實我仍然係一個『小學雞』，仲有好多嘢要改善」。
同父親接機 約定食蒸魚
安儀表示稍事休息後，便會一家人慶祝，「爸爸都攰，我哋會抖吓先，爸爸已經約咗我食蒸魚喇」！
爸爸「水哥」則表示會為女兒在桌球室舉辦一個慶祝會：「今次係有史以嚟最開心嘅一次，因為10個紅球賽係首次舉辦，亞洲賽又係第一次，可以拎幾個冠軍返嚟，真係最開心嘅一次！」
兩日後，安儀就會參加香港公開賽，大家又可以一睹新鮮出爐世界冠軍的英姿了！