奧巴馬 侵侵 金仔玩轉七欖
一生人有甚麼機會可以見到金正恩、奧巴馬和特朗普同場出現？就是香港國際七人欖球賽！3人每次同場，就會引來超多觀眾爭相合照，場面壯觀，促成今次到七欖齊齊現身，全靠原名Howard（金正恩）的邀請。
「本來我係做音樂，但2013年剪咗呢個髮型之後，着埋中山裝拍片擺上網，之後有間以色列公司邀請我拍廣告，咁就開始咗『Ａ貨金正恩』嘅日子。」同樣「整古做怪」偽裝國家元首，Howard機緣巧合下認識了「奧巴馬」和「特朗普」，更成功邀請二人來港出席今年七欖，果然大受歡迎！
Reggie Brown（奧巴馬）在美國的知名度超高，在他facebook經常可以看到他出席各大活動的照片。除了自己化妝，參考奧巴馬的衣着外，要成為一個出色的表演者，他連行為舉止都有特別研究，下了不少苦工。首次來到香港，大家都爭相與他合照，令他感到又驚又喜：「我去過唔同地方出席活動，喺美國大家對我已經見慣不怪。今次嚟到香港好有成功感，無論街頭定場館，只要有一部相機對住我，之後就會有一大堆人湧埋嚟同我影相，係一個好驚喜嘅經驗。」
表演者最希望大家開心
同「奧巴馬」、「金正恩」一樣，Dennis Alan（特朗普）同樣有自己的故事：「喺我未開始扮特朗普之前，已經有好多人都話我似佢，到特朗普宣布競選美國總統，我先真正開始化妝去扮。」特朗普一向有狂人之稱，去到不同城市，都會有人對他出言侮辱，但他說：「我當然明白每一個人有不同的喜好，但我只是個表演者，希望能以『特朗普』呢個造型帶畀大家歡樂！」