東方龍獅標準福建一決高下

東方龍獅收拾心情,準備好今晚在修頓室內場舉行的高級組銀牌賽負方賽事迎戰標準福建,力爭「復活」!周二「藍軍」在勝方4強不敵永倫,球隊經過賽後檢討,希望專心一致在復活戰打出一場「爭氣波」,以勝仗回饋球迷的支持!(東網on.cc周五晚6時50分直播)

上仗雖然不敵永倫,東方龍獅需要跌落銀牌負方組爭取復活,經過檢討希望今仗有改善,李琪說:「大家賽後有檢討,的確對手打得好過我哋好多,亦好熟悉我哋每個戰術,所以呢方面一定要有調整!」經過勝方4強賽失利,今晚將會迎戰實力不俗的標準福建,東方龍獅已定下要特別「招呼」的目標:「上場比賽已經結束,我哋依家會專注今場比賽;上季聯賽福建曾經贏過我哋,有一定實力,今場會重點防守歐陽維江同周家駒,全力阻止兩人組織攻勢。至於班尼斯喺籃底有相當優勢,預計一開波會先強攻對手內線!」

球迷畀意見望重拾霸氣

經過上場輸波,一班熱愛本地籃球的球迷亦紛紛留言支持東方龍獅,並給予意見。有部分球迷皆認為,球員鬥心不足,但亦有另一批聲音,認為戰術過於單調,進攻集中單打獨鬥,缺乏部署及有效的進攻模式,才是落敗的主要原因。亦有球迷質疑,為何在東南亞職業籃球聯賽(ABL)有好成績的「藍軍」,回歸本地賽事卻出現問題,直指教練團的確需要作出調整。雖然球迷給予的或許不是最專業的意見,教練艾度托利斯會否接收各方意見,帶領「藍軍」打出一場勝仗,回饋球迷的熱情和支持?今晚自有分曉。

福建部署夾擊班尼斯

今場除了是負方復活戰外,亦是標準福建中鋒劉凱濤的倒戈戰,面對一班舊隊友,「阿濤」表示:「大家在本地聯賽都打咗好多年,打波路數大家都好熟悉。今場一定會係防守行先,避免入局太慢,太快畀對手拋開!內線方面我要同班尼斯硬撼,身形上一定會輸蝕,所以球隊都會針對佢進行夾擊,減低佢嘅得分能力。」看來雙方都已經做好部署,務求在今晚這場大戰擊退對手,繼續留在今季銀牌戰場,這場大戰東網亦會為大家提供直播,隨時緊貼今場賽事的最新戰況!