梁守志會球迷 波飛善後賠償3千

東方龍獅早前透過球迷會代會員訂購作客恒大的波飛，但最終未能兌現。會方昨日由總監梁守志與未能成功購票北上支持球隊的球迷會會員會面，並交代所有善後工作，包括賠償安排。「真係好抱歉，係我嘅失誤，令到有關球迷空歡喜一場。所有之前畀咗錢買飛、book咗酒店、book咗車嘅球迷，我哋會照原價畀番錢佢哋之外，每張飛會額外獲得3,000蚊賠償。希望上述安排可彌補到呢次嘅失誤。」東方龍獅此舉被讚有承擔。