東方龍獅主場硬撼馬來西亞雙塔

2017東方龍獅第一擊!經過21日休戰後,東方龍獅今晚將會在修頓主場迎戰上季東南亞職業籃球聯賽冠軍馬來西亞飛龍。經驗主將方誠義將弗爆上場,隊長李琪坦言戰力大增,自己更做足功課,認真研究對手,誓以勝仗為2017年響頭炮!

在去年12月22日的ABL賽事後,東方龍獅度過一個多星期的假期;踏入2017年球隊重新投入訓練,隊長李琪坦言,復操頭兩天仍然不太適應:「大家放咗咁耐假,頭兩日集中力一定冇咁好,但依家已經全部進入狀態,為今場比賽積極備戰!」經過21日休戰,球隊要重新適應比賽節奏會否是一大難關,「阿琪」坦言並不擔心,他說:「我知道對手近兩個星期都打咗幾場比賽,相信我哋體力會有優勢。」

睇帶部署誓擒飛龍

面對上季ABL冠軍,東方龍獅視馬來西亞飛龍為強敵之一,李琪當然要做足功課,針對對手的外援和實力進行研究,十分勤力:「自己一向有睇開ABL比賽,上場新加坡對馬來西亞有特別去睇,今朝練波之前教練有畀呢場精華球員睇,大家都認為需要針對兩個內線外援做防守。」他更特別留意其中一位外援馬佛恩(Marcus Melvin),因為他曾經效力台灣職業籃球聯賽,亦曾經代表美國出戰瓊斯盃,備戰工夫做足100分。「最近一個星期球隊開始部署,要針對對手4、5號位球員,特別係馬佛恩,雖然佢打內線,但有3分同剷籃能力。不過我哋球隊有方誠義復出,無論防守同進攻都有好大幫助,可以話係戰力大增!」

「阿Ga」方誠義上場復出戰交出4分及1個籃板,由於養傷日久,他亦坦言該仗仍在找尋比賽的感覺:「上場啱啱復出,點都有少少避忌,但經過近排練波,走動多咗亦試過衝撞,今場一定冇問題!」一向搞笑的他更自嘲,其位置經常要面對高大外援「唔易啃」,但他絕不會怯場!

李琪兆榮獲賞識

李琪及方誠義對於2017年第一擊充滿信心,對手新帥湯馬斯亦十分欣賞東方龍獅這支香港球隊,他表示:「我哋陣中本土球員需要向東方龍獅球員學習。」更特別點名讚賞「浪花兄弟」李琪和陳兆榮場上心理質素好,出手不猶豫。新一年首次主場就有兩強對決,李琪希望熱愛籃球的球迷可以入場支持,為東方龍獅注入更多力量!(有線62台、i-cable手機應用程式及網頁周五晚8時直播)