上年擊敗林丹前，伍家朗這個名字對港人來說，可能十分陌生。成為「林丹殺手」 後一舉成名，之後2016年全年的經歷，對這位香港羽球一哥來說都是深刻、難忘。首次踏上奧運這個體壇最頂級舞台，回想當時的情境，「家朗」仍然印象深刻：「去到奧運已經好難，之後可以贏兩場波，出線16強，我自己幾滿意。雖然成功達成夢想，但我期望下屆可以做得更好。」
奧運後經歷一段掙扎時期，直到11月底香港公開賽，在主場奪得個人首個超級賽冠軍，伍家朗今天回想起，仍然覺得十分驚喜：「其實打香港站嘅過程好辛苦，每一日都唔想辜負在場觀眾，壓力特別大，打完嗰刻覺得放下心頭大石。但依家諗番，其實真係好開心，因為超級賽冠軍一路都係自己嘅目標，但冇諗過咁快可以做到呢個成績！」
22歲登上超級賽冠軍寶座，伍家朗依家保持一貫謙遜本色，坦言新一年會繼續努力，尋求突破：「最希望3月嘅全英賽可以拎到好成績，雖然都係超級系列賽，但比起其他11個超級賽意義唔一樣，因為全英賽係羽毛球歷史最悠久嘅比賽。」除了全英賽，「家朗」更以升上世界排名第6為2017年的目標！年紀輕輕，但努力、謙虛又有志氣，期待伍家朗2017年可以帶給香港人更多的驚喜！