給十年前、十年後的我
人生有幾多個10年？10年前，Yvette代表香港參賽，10年後的今天，她繼續在這條路上奮鬥，下個10年仍是未知之數，但相信經歷最終會成為最美麗的風景。勿忘初心，方得始終。
Yvette給10年前的自己一番話：「未來嘅路未必容易行，經歷嘅掙扎及重重難關表面上好辛苦、好灰，但佢係一個成長機會，你好好把握同面對難關，將會有一個更好嘅自己。」
她亦給10年後的自己一番話：「我希望你依然充滿好奇心，可以多方面嘗試同實踐自己，我知道自己要求高，所以提醒你要做真我，做到自己最好嘅就足夠，已經係成功。」