理文流浪主場開齋

基頓為理文流浪建功後招積慶祝。

1球小勝R&F富力

理文流浪今仗有外援主力列斯奧停賽及黎耀昌受傷，殘陣之下於22分鐘幾乎被R＆F富力先開紀錄，閔俊麟門前混戰近射，僅被理文流浪守將池慶訓救空門。理文流浪戰至62分鐘終憑死球戰術打破缺口，由基頓接應角球頂成1比0。R&F富力其後雖傾力反撲，可惜臨門一腳始終失諸交臂，在青衣主場「開齋」的理文流浪，賽後得以升上第6位。

理文流浪主教練馮凱文賽後直言球隊發揮只屬一般，但最重要是全取3分，期望新援丹尼斯辦妥工作證後，可為前線增添變化。「馮Sir」以往曾在南區與「牛丸」陳婉婷合作，「牛丸」獲選為亞洲足協最佳女教練後，也有感謝作為其中一位伯樂的「馮Sir」。「馮Sir」也替「徒弟」開心：「我執教南區首季仲係第一年教甲組，而牛丸已喺天水圍飛馬出任助教，其實係佢反過來教番我唔少嘢。牛丸除咗有女性嘅細心，仲好學不倦裝備自己，佢有今日嘅成就，畀到好大鼓舞本地年輕教練。」

基頓 （左三）上半場曾有一次近門失機。

理文流浪韓援池慶訓（右）在中場跑上跑落，表現搏命。