葉鴻輝：牛丸勝在夠Open

伯樂名單多到數唔晒

「牛丸」表示：「其實當初公布提名開始，都冇估到自己真係有機會攞，所以都有諗過唔嚟，專心留喺香港備戰。本來我一直好冷靜，但去到臨公布一刻都有啲緊張。首先要多謝亞洲足協，自己由AFC嘅C牌考到上A牌，都要多得亞洲足協一直安排，今次能夠喺亞洲足協頒獎禮獲獎都好感動。仲有當然唔少得東方管理層同所有職員，特別係過去同依家嘅老闆，同埋總監Peter哥（即梁守志），有佢哋信任我先可以走到呢步。做教練始終好現實，最緊要有成績支持，我所得嘅獎項都係多得球員拚搏番嚟。最後要多謝親友同感激遇到嘅每一個伯樂，名單多到數唔晒，要數的話包括『郭Sir』郭家明、『曾Sir』曾偉忠、陳曉明、陳志康、馮凱文、楊正光等等，希望冇數漏。」她更搞笑表示「講到好似結婚咁」。

女帥陳婉婷能夠創造歷史，帶領東方龍獅稱霸港超兼威出國際，除了球隊老闆及幕後支持，更重要是憑真材實料贏得球員尊重。東方龍獅隊長葉鴻輝大讚「牛丸」成功之道全因「夠Open」：「由『牛丸』接任到依家，佢都好Open Mind，樂於接納唔同意見，同球員之間互相尊重。一個女仔喺男子足球壇取得成功相當難得，就算今年獲獎無數，佢都繼續好細心同盡力準備每場比賽，能夠喺呢個國際頒獎禮獲獎，我哋全隊都好戥佢開心。」