港將輪住發威闖8強

胡贇拍走孫完虎

運動員經常說主場有優勢，在今次香港羽賽完全充分體現！由李晉熙、羅卓謙的男雙組合率先登場，與馬來西亞對手激戰3局後贏波，成為今次香港站首兩名晉級8強的港將，打響頭炮！下午多名港將相繼登場，張雁宜在女單反勝泰國的妮查，之後男單有港隊內訌，由伍家朗對李卓耀，「家朗」以21比12、21比16輕鬆取勝，成為今站首位殺入男單8強的港將，賽後他說：「今場發揮出水平，雖然賽前有壓力，因為同師弟彼此太熟悉，一開始都唔敢放鬆。」伍家朗更大讚師弟有天份，惟體力方面需要再增強。之後男單繼續出現爆冷賽果，胡贇激戰3局成功拍走4號種子孫完虎，與伍家朗攜手殺入香港站8強，二人採訪區更興奮擁抱，場面熱血！

至於混雙方面，謝影雪、鄧俊文和奧運代表周凱華、李晉熙亦成功打入8強！而黃永琪亦以25比23、14比21、21比11拍走英國姚積夫，今次港將主場發威，兩項雙打都入8強的李晉熙說：「喺主場真係出盡120分力去打！」今日幾位香港代表將會繼續進行8強賽事，各位球迷不容錯過！