車迷到澳門觀賞一年一度的賽車盛事，自然不會錯過澳門美食，但如果打算一日遊，看完賽車就可能只吃一餐，若果想試多點美食，不妨去西灣湖廣場舉行的澳門美食節，除地道澳門「好嘢」，還可以試埋其他國家美食，跟手買手信返香港，一次過滿足幾個願望。
每年澳門美食節都配合澳門大賽車舉行，今年就有多達120間澳門本地商舖參加，地道如葡撻等當然無問題，但若然嫌太單調，想試其他不同地方美食，一樣沒問題，美食節分五條街，包括中式酒樓街、亞洲美食街、歐陸美食街、風味街和甜品街，梗有一樣啱你心意。
如果有捧開場的車迷一定知道，澳門大賽車期間撲船飛及撲賽事門票有幾困難，香港就有旅行社推出大賽車一天「自遊行」套票，有齊來回船飛及大賽車門票，不用為撲飛煩惱。