松本愛夢想做妖精

迷人混血兒

近期日本寫真界有好多混血兒跑出，好似之前同大家介紹過嘅武田華戀就係中日混兒血，另外，曾經叱咤風雲嘅混血女神Leah Dizon最近亦再次同大家見面，以風采迷人、風華絕代嘅美態登場！提起呢位菲律賓與美國混血兒，近日日本演藝圈亦有一位擁有菲國血統嘅新紮女星，佢就係今日為大家介紹嘅松本愛喇！愛妹嘅父親係日本人，母親則為菲律賓人，不過可能係父親嘅遺傳基因較強，所以阿妹個樣睇落唔似賓賓，面上散發出青春日本美少女嘅可愛氣質。小弟就最欣賞愛妹一雙明亮眼眸神采十足，電力非凡，加埋天真笑容，迷人程度絕對不比「同鄉」Leah Dizon低！愛妹唔會輸畀呢位師姐嘅地方仲有身材喎！身高5呎4吋，胴體纖巧，肌膚光滑緊緻，上圍甚有斤両，蛇腰只有22吋咁幼，體態非常吸睛！

多方向發展

松本愛生得咁可愛標致，喺2011年獲時尚雜誌《Popteen》招攬為專屬模特兒，其整潔亮麗嘅形象令人印象深刻。不過，松本愛擔任模特兒嘅時候，其實就冇諗過進軍藝能界，只係考慮到年紀漸漸增長，再扮唔到可愛少女之後可能會轉做服裝店店員，或者重返校園進修，上年愛妹轉到另一時尚雜誌《JELLY》做專屬模特兒之後，名氣漸漸上升。另外，愛妹亦獲邀為雜誌《Young Jump》拍攝以十位青春偶像為主題嘅水着封面，結果獲讀者投票成為人氣冠軍，接住佢成為該雜誌嘅封面女郎，展示青春魅力以及誘人身材，人氣爆燈！同時愛妹成亦為電視圈新寵兒，演出過嘅電視節目包括《倫敦Heart》，亦為《大王之分歧》做記者。近期，愛妹仲進軍舞台界，參演嘅舞台劇包括《吸血鬼騎士-Revive》，實行作多方向發展。而愛妹仲話希望可以喺每一個工作範圍都向大家發放小妖精魅力，令每個人見到佢都心情暢快。

社交網站

簡介：愛妹本身好享受工作，一知道自己演出嘅節目或雜誌推出，就會喺Twitter發布消息畀大家知，想緊貼阿妹嘅最新動態就要Click上去睇睇喇！

網址：https://twitter.com/aimatsumoto_45

松本愛Profile

年齡：22歲

身高：5呎4吋

三圍：33C-22-33

撰文：賢