世界冠軍「產品」賀曦彤要叻過爸媽
早前奪得世界青少年冠軍的10歲賀曦彤，人少志氣高，即使爸媽均是世界冠軍，但沒有因此對她構成壓力，反而成為她的動力，年紀小小的她更揚言期望超越爸媽：「我要叻過佢哋，青出於藍嘛！」
爸爸賀敬德是南拳王，曾奪得南拳及南棍世界冠軍，媽媽羅雅菁亦曾於世界賽贏得棍術及劍術金牌，想不到他們的大女兒曦彤承傳了優良基因，僅10歲就已踏上世界舞台最高台階。
爆牙得意妹文武兼備
本報率先直擊這個冠軍家庭，這位咪咪眼、面圓圓兼擁有小爆牙的「小豆丁」相當可愛，與普通小朋友一樣，年幼時在媽媽安排下參與不少活動，芭蕾舞、鋼琴、溜冰，但她偏偏最愛都是武術，自小已模仿爸爸打南拳，又拿起兵器左舞右舞，直至6歲才跟隨教練正式學習武術。現任體院武術隊助教的羅雅菁坦言：「原本無想過要她繼承，因為我哋知道學武術的艱苦，但想不到她最後都選擇了，我哋就支持她吧！」
「我試過跳舞，但後來唔太鍾意，因為腳好痛，我鍾意玩武術，特別是兵器，打起來『霍霍』聲，覺得自己好勁。」這位小可愛的對答真不似一個10歲的小女孩，對於爸媽都是世界冠軍級人馬，曦彤全部都知道：「我知佢哋好叻，但我要叻過佢哋，我要青出於藍。」她已經定下目標，先要「挑戰」媽媽：「佢攞咗幾面獎牌，我要多過佢，跟住再挑戰爸爸，佢太勁喇！」
其實曦彤與一般的小朋友無疑，都是愛玩的小孩子，在學校是活躍分子，打籃球、踢足球都鐘意，除了武術之外，都是喜歡玩手機、玩啤牌，早前更愛上玩捉精靈：「我好開心比賽時捉了歐洲版的精靈吸盤小丑，我希望可以到南美捉埋嗰隻限量版。」曦彤可謂文武兼備，她過去除了奪得無數武術獎牌之外，在學界朗誦及歌唱比賽都是三甲常客。
圖／文：李芷韻