香港首場巴士打吡點可以唔睇？
非一般的港超打吡戰！近況不俗的冠忠南區，今日下午2時30分假主場香港仔運動場擺下擂台，恭迎九巴元朗。今場除了是「地區打吡」及「劉氏兄弟打吡」外，亦是本地球壇首次出現的「巴士打吡」，絕對點止一場港超聯咁簡單？
（東網on.cc周六下午2時30分直播）
香港隊將於明日以東道主身份出戰東亞足球錦標賽第2圈，足總之前共安排4場港超聯賽事，守尾門的正是今日這場「三重打吡戰」。今季兩隊首度碰頭，冠忠南區開季先後碰上強手傑志和東方龍獅，惜均輸波贏口碑，直至上周主場對港會，才來一場7比0大屠殺開齋，之後於高級組銀牌再數港會5比1，兩名射手蘇沙和夏志明皆狀態大勇，今佔主場之利，勢全力摧毀客軍防線。
劉氏兄弟內訌搏到盡
不過，九巴元朗雖剛在主場不敵東方龍獅，惟該仗整體演出卻在對手之上，如非連番攻門均逃不過葉鴻輝的十指關，戰果難料，今仗前特別拉隊赴濠江與澳門代表隊拍跳，備戰態度認真。兩「區」相遇，激戰可期！
今場另一談論點，乃今季加盟冠忠南區的劉學銘，會與其效力九巴元朗的兄長劉家銘，上演一幕「兄弟鬩牆」。「其實上季我喺夢想駿其，都同過阿哥交手，不過今場賽前氣氛好唔同，雙方都好重視咁，我唔諗咁多，總之希望踢場好波。」「學銘」表示。「我哋一齊讀城大嗰陣，一齊踢校隊，今場各為其主，我希望九巴元朗可以作客攞晒3分走！」「家銘」信心十足地道。
最後一提，是役雙方的冠名贊助商，都是經營巴士業務，故今場亦被稱為「巴士打吡」（見另文），冠忠巴士和九龍巴士多年來的主要戰場都在「馬路」，今日轉戰球場決一高下，據悉兩邊都會安排公司員工入場，製造聲勢，大戰氣氛比盃賽決賽有過之而無不及。