AV女優嚇鬼真樣

可愛破碎　鈴村愛里

鈴村愛里於2013年2月出道時，以超強美少女姿態登場，喺2014年於DMM成人獎中，憑住作品《絕對的美少女 ACT.32》榮獲最優秀作品獎之餘，佢嘅AV作品更長期高踞銷量榜冠軍，足見愛里妹嘅美貌幾咁深入民心。

不過唔知係咪佢所屬嘅AV片廠整蠱佢，喺2014年1月推出嘅作品《化妝》中，竟然有幕落妝場面，以素顏示人嘅佢，原來係個長相極為普通，普通到同靚女兩個字一啲都扯唔上關係。呢套作品一出街，日本AV迷嘅反應係好嬲，覺得畀人呃咗，亦有AV迷表示心碎。話雖如此，愛里自毀形象後作品仍然大賣，截至2015年為止，佢主演嘅AV總銷量累計高達50萬張，所以話男人都係易呃。

素顏驚嚇度：★★★★（5粒星最高）

初戀幻滅　泉麻那

講到令日本AV迷個心碎到無可再碎嘅女優素顏樣，最經典要數超人氣涉谷系AV女優泉麻那。呢位於1989年6月29日東京出生嘅女優，2009年出道時，憑住金髮黝黑膚色嘅涉谷造型，加上狂野嘅床上演出，令佢喺AV界人氣極高，更被喻為AV界涉谷系女王！及至2012年退役，其作品銷量一直高企，縱然退役後走去做化妝師，仍然有唔少人記得佢。

可能因為退咗役，唔使再顧及形象關係，佢喺2013年於個人Twitter上載咗一張同友人自拍照，相中嘅佢不但單眼皮，仲成個男人咁樣，追隨多年嘅粉絲個個大叫初戀幻滅，又話呢種係欺詐嘅行為，有人甚至懷疑相中人並非泉麻那。不過有人理性指出，佢演出時化個妝勁厚，素顏樣大有出入一啲都唔出奇。

素顏驚嚇度：★★★★★

素顏見得人　紗倉真菜

日本女性精於喬裝之道，但又唔係個個女優都有欺詐嫌疑，好似SOD嘅王牌女優紗倉真菜就係一個好例子。本身個樣已經夠晒可愛嘅佢，起初以寫真女優身份出道，2012年加入AV界，同年橫掃SOD頒發嘅最優秀女優、最優秀銷售作品獎、最優秀包裝作品獎、最優秀出租作品獎及一萬部達成獎，人氣一時無兩！

今年9月佢喺個人Twitter上載咗一張生活相，素顏示人嘅佢同有化妝係有少少分別，但係仍然係相當可愛，搞到粉絲更加愛佢。

素顏驚嚇度：★★

點睇都靚　波多野結衣

正所謂平生不識波多野，看遍AV也枉然，波多野結衣之名紅遍中日港台，試問點可以唔識！早喺2008年出道嘅結衣，唔單止人靚，身材仲相當勁！

極度注意化妝嘅結衣，鮮有素顏示人，難得今年中佢喺Twitter分享幾張素顏照，即刻引起哄動。估唔到素顏嘅佢，雖然眼袋係大咗啲，但膚色紅潤又白滑，對眼仲電力十足，呢啲咪叫做天生麗質囉！

素顏驚嚇度：★

日本女性點解咁注重化妝？

日本女性唔單止注重化妝，仲要日日化妝，就連家庭主婦出門前第一件事，都要化個淡妝。佢哋之所以化妝，唔係為咗呃男人，而係一種禮貌。佢哋覺得打理好自己，係對人一種尊重，加上日本傳統文化中，女性要追求乾淨、衣着考究同識打理屋企，咁至唔失禮家人。喺咁嘅情況下，化妝便成為女性生活嘅一部分。另一方面，日本人相當注意人哋嘅目光，就算去附近便利店買嘢，都要換件好睇啲嘅衫至落街，試問女性又點接受到唔化妝示人呢？

撰文：魂