R&F富力基地重遇好友 曾健晃梁家希三水逐夢

訓練管理皆達中超級數

天氣不似預期，位於三水的R&F富力集訓基地未受影響，球員冒雨晨操晚練︰「有啲似鄉村生活，但係踢波嚟講真係一流，早午晚三餐定時，又有場地練波做Gym，每一日過得好快。」曾赴澳洲「工作假期」2年的曾健晃決心再戰香港頂級聯賽，面對偏激負評仍咬緊牙關︰「唔理其他人點諗都好，呢度好有要求，舉鐵細力少少都會畀人督促住，平時訓練亦有物理治療師睇實，訓練同管理都係中超專業級數。」

不少港超球隊季前也借用三水基地集訓，除容納4個11人足球場的綠茵草地，還有面積大如籃球場的健身室，毗連則是球隊下榻的酒店，但與基地最接近的大型商場，也需乘搭15分鐘公車。阿晃與同房梁家希、卓耀國夾錢「淘寶」大電視追劇打機自娛，這晚6時半晚飯過後卻不見蹤影，原來正協助領隊梁志榮剪片，準備翌日開會。「悶」中作樂，23歲的阿晃早已成長蛻變。「以前有父母幫手，但離開香港就只有靠自己。而家我已習慣獨立，只係季前體能訓練比較辛苦，技術水平亦同內地隊友有啲距離，惟有逐漸透過訓練拉番近。」

另一「香港仔」卓耀國（右）亦於三水集訓。	富力基地草地面積已等如4個足球場。	集訓點滴 井井有條 無論床鋪（圖）定房門口的球靴，也要自己收拾整理。

阿晃在澳洲試過摘蘋果、做廚房，閒時參加業餘聯賽，平均一場300澳元（約1,800港元）車馬費，卻始終難捨港超夢︰「以前嘅我得股熱血乜都唔識，好多教練覺得我一撞就散。我好想令大家改觀，嚟到富力特別針對上肢力量訓練。只要能喺壓力中成長，我信總可成為好球員。」

房門口的球靴。	狂操體能 除有球訓練，每日都要到健身室「舉鐵」。	打機自娛 最大娛樂就是用夾錢「淘」的大電視打機。

為夢想要去到盡

易地修行，不只令阿晃重燃足球夢，更重遇兒時好友梁家希。擁有一半巴西血統的「家希」，季前未獲冠忠南區留用，輾轉被安排轉投富力。為了家人，想也不想便「Say Yes」︰「爸爸係好傳統香港人，佢有提醒我會聽到好多難聽說話，但為咗夢想一定要去到盡。我好想畀佢同媽咪知道，囝囝已經大個仔，要證明每年不斷進步。」

回想小時候來港不諳中文，家希多得同在港青集訓的阿晃主動閒談，開啟友情大門。如今的他活潑外向，不時說着巴西口音的普通話搞氣氛，逗得負責照顧起居飲食的酒店「靚姐」眉飛色舞。家希笑說︰「無論去到咩城市生活都難我唔倒。內地隊友比較怕醜，我試過做Gym時帶埋耳機去跳森巴舞，打成一遍。」說到相交相知，始終還是相識多年的阿晃︰「以前細個會諗去邊度玩，而家會講人生planning，更年輕嘅後輩開始湧上，我要再將狀態Keep好啲。」青春的詩總會老，哪管風吹雨打，也要珍惜當下向前闖。

文/圖：徐嘉嘉