李慧詩日本競輪賽贏埋防府站！
賽前許下「鬥好今場比賽」心願的李慧詩，果然講得到做得到，昨天在日本女子競輪賽防府站決賽中，憑超班爆發力再次鍊贏同場6名對手，兼且過去6場全勝堪稱無敵，100％勝率奪得「背靠背」分站錦標！
由彌彥鬥到防府，「牛下女車神」李慧詩（Sarah）都被日本競輪專家列為大熱門，皆因這位倫奧銅牌得主爆發力超班，昨天決賽即使對着加拿大對手蘇莉雲，後者賽前更誓言「以冠軍為目標」，似乎甚有野心打破Sarah的壟斷局面，但落到場「唔係靠把口」，最重要還是靠實力。1682米的5圈比併於風速0.4米兼晴朗天氣下進行，蘇莉雲未見標青，反而日本車手高橋梨香及森美紀曾發力突圍，一度令5號車的Sarah墮至第4位。但淡定的Sarah未有被打亂陣腳，最尾一圈才加速並輕易收復失地，至大約最後200米已成功進佔首名；相比明顯後勁不繼的蘇莉雲，Sarah就愈放愈有，最終以3個車身的優勢力壓日本車手尾崎睦而勝出，蘇莉雲僅得第3。
下周川崎站惡鬥馬真特
Sarah橫掃兩站錦標後將稍事休戰5天，並於10月23至25日轉戰到川崎，爭取連勝，主要對手是英國23歲車手馬真特，該奧運代表剛於函館「3連勝」奪冠，實力不俗，但其實雙方於彌彥站曾正面交鋒，李慧詩於決賽爆贏馬真特，二人於川崎再鍊過勢成焦點。Sarah隨後至11月4至6日到京王閣再戰。