撐未婚夫出戰東京奧運
郭靜然除成目前港超球會最年輕主席，她的「百米飛人」未婚夫徐志豪亦會出任九巴元朗體能顧問，齊齊力撐球隊到底之餘，「阿靜」亦會身體力行支持近年陷傷病低潮的未來老公，在4年後的東京奧運捲土重來。
4年半異地戀 一靜一動襯到絕
徐志豪年初向「阿靜」求婚成功，二人曾經歷接近4年半的異地相隔，一靜一動襯到絕。阿靜卻笑言對未來老公又愛又恨：「當年去福州集訓，佢同我第一次傾偈就問我『成日跑第2有咩感覺』，我心諗佢想點呀！佢開心同唔開心都係同一個樣，但EQ又好高，呢樣係我最欣賞。」
徐志豪曾在倫奧為港隊出戰4x100米接力，惟近年受傷病影響，無緣出戰剛落幕的里奧。他表示目前仍會專心練跑，期望能將體院學到的運動科學知識融入足球隊。阿靜這位主席太太亦全力支持：「始終運動員生涯不長，他也希望為未來鋪路，不過只要他願意跑下去，我和家人亦會撐到底。」