格劍中途跌咗部手機法國劍手(火羅)到震
仲記得《少林足球》橋段嗎？在球場上列緊隊的球員，突然跌出一支士巴拿話：「我本身係一個汽車維修員，呢個士巴拿係愛嚟上螺絲用嘅，係好合理嘅。」估唔到類似的畫面，竟然於里約奧運會出現。這個令人哭笑不得的一幕，發生於男子花劍32強賽事，法國擊劍運動員拿科治對陣德國選手祖比治時，打打吓突然間有個手機跌出嚟，這幕也讓祖比治看到呆了一下。
見到咁爆笑場面，裁判依然好冷靜，之後讓拿科治將手機交給場邊的教練，並示意比賽重新開始。但可能因為受到事件影響，拿科治其後未能集中精神比賽，最終以13比15僅兩劍落敗，無緣16強。對於喺奧運上場作戰都要「手機跟身」，不少網友都直言很好笑，有人寸爆話里約治安唔好，手機跟身係非常正確；亦有人笑指手機係拿科治嘅秘密武器。
對於打比賽跌手機事件，香港花劍名將張小倫表示情況其實不算罕見：「其實好多劍擊運動員都習慣比賽前聽歌，劍擊服後面有一個小袋，好多時候都會將手機放喺呢個袋。由於比賽服嘅褲比較厚，所以有時放咗嘢入袋，都可能因為感覺唔到而忘記攞出嚟，我都試過喺於比賽中遇見過對手喺身上跌出唔同嘅嘢。」張小倫續稱，比賽規則沒有列明運動員不可以攜帶甚麼物件上場，但在大型運動會發生呢種情況就比較尷尬。