戴利怕走光唔係「諗多咗」，運動員落場專心比賽，顧唔到儀態搞到走光事件經常發生。上屆倫奧就出現多幕經典嘅「春光乍洩」場面！
女子水球：美國對西班牙一戰，美國選手克雷將西班牙對手嘅泳衣扯開，累到對手「咪咪」被一覽無遺；到8強戰中國對澳洲時，澳洲女將又遇上相同尷尬情況。
女子柔道：蒙古柔道選手孟克巴特喺48公斤級比賽遇上阿根廷巴妮圖，期間巴妮圖試圖摔倒對手時，錯手拉開孟克巴特嘅戰袍，令佢露出一邊胸部，引起觀眾嘩然，孟克巴特更因心情受影響而輸埋。
女子拳擊：女子拳擊75公斤級16強賽事，中國女子拳王李金子同巴西費托莎對壘，比賽激烈到李金子胸圍帶都被扯爛，搞到佢「為保防線」一路退守，好在李金子最終都保住勝果。