有模特兒愛以索樣迷惑眾生，有啲則以火辣胴體牽引心神，亦有囡囡有齊迷人樣貌同玲瓏浮凸嘅身材，卻以另一賣點挑逗男士嘅原始本能，索菲正係屬於後者，佢憑住一雙絲襪美腿，帶嚟魔性十足嘅視覺效果。
今年24歲於北京出生嘅索菲，英文名Sofia，網名Sofia-77，特別又有型，而佢嘅外形同樣有型有格，不過唔係指Fashion嗰種，而係引爆男士邪念嘅魅力。樣貌俏麗嘅佢，身材相當有料，魔鬼級數嘅火辣胴體足以叫人眼前一亮，加上性感造型，夠晒養眼。上天確實係厚待一啲人，事關外形出眾嘅索菲，仲擁有一雙修長美腿，配合絲襪同高踭鞋，試問有邊個男士唔會被佢嘅美態吸引呢？事實上，佢係絲襪美腿寫真團隊嘅專屬模特兒，演出時穿上黑色絲襪，透過若隱若現嘅朦朧感，呈現魔性爆燈嘅視覺誘惑，足以令大家邪念爆發！配合佢冷艷嘅表情，魅力十足，令人深深愛上佢。
令人一見傾心嘅迷人身段，究竟係點樣練成嘅呢？原來索菲係一位舞蹈教師，習舞多年，難怪身材咁Fit。而佢對跳舞更係有着非一般嘅熱愛，每朝早起身去教授跳舞，樂此不疲，享受過程中每分每秒。可能係因為佢天生嘅責任感，亦可能跟熱愛舞蹈嘅執着，縱然佢嘅模特兒工作相當忙碌，仍然努力不懈保持最好嘅狀態，除咗積極健身外，平日更加努力練習，而汗水嘅付出換嚟嘅結果，唔單止係舞藝上嘅進步，更令佢嘅身段變得愈嚟愈誘人。
講到索菲嘅個性，佢係一個敢於接受挑戰並且充滿自信嘅人，不但經常喺微博上載個人自拍照，又愛以唔同造型示人，曾經反串扮成型格美男，早前佢扮成清新少女Look登場，帶畀大家不一樣嘅清純美感，有時佢甚至唔介意刻意扮醜畀大家睇，如非有膽量同自信，作為一位人氣模特兒又點會如此醜化自己呢？正如佢所講「別人怎麼看你不重要，重要的是做好你自己，一切都會隨之好起來。」
簡介： 索菲喺寫真中展現出超性感嘅魅力，將誘人極限推上頂峰，但其實佢嘅個性並唔係大家想像中咁豪放，而係單純得嚟又率直爽朗。如果想更深入認識佢嘅話，就要去佢嘅個人微博睇睇啦！
網址： http://weibo.com/u/5314885095?is_hot=1
出生地：北京
身高：170cm
三圍：35、24、35
撰文：魂