女拔萃周嘉瑩中圈掟入振軍心

壓哨射球通常都係博一博，尤其中圈以外掟個波埋籃板，入波機會好低，但係女拔萃對漢華就有個壓哨3分波出現，女拔萃7號周嘉瑩臨完場在中圈起手射入3分，雖然幫唔到球隊反勝，但呢個入球就技驚四座，睇唔出呢位女仔咁好手力。佢話自己並非球隊的3分射手，但希望射入呢一球可以令女拔萃重振士氣，日後爭取更好成績。