天台不嬲係個好神秘嘅地方，小學嘅天台係鬼古事發地點，中學嘅天台有好多香艷傳聞，而大學嘅天台夠晒綠化，咁唔知喺情色字典中嘅天台同Roof Top，又會帶畀大家乜嘢感覺呢？
Roof Top解做天台，咁「Roof Sex」自然解做喺屋頂發生嘅性愛，例句：「Dude, I brought that girl back to my place and we had roof sex!」（我帶個女仔去我度，然後我哋嚟個屋頂性愛。）另外，仲有「Sex On The Roof」，咁同「Roof Sex」有咩唔同呢？基本上兩個嘅意思一樣，不過前者仲多個意思，就係指喺天台狂歡，事關呢個詞語當中嘅Sex可以係狂歡咁解，因為外國人好鍾意喺屋企嘅天台舉行派對。而早前有安全套公司喺美國進行調查，結果發現喺1,000名受訪者中，有3成人選擇於天台開戰。
大家唔好會錯意，以為「Roof Job」即係指喺天台進行嘅工作，喺情色俚語中佢解做兩種唔同嘅性愛體位，第一種嘅玩法，係先讓女伴平躺喺床上，頭部懸空喺床邊，而企喺床邊嘅男伴則跨喺女伴嘅面上嚟個口舌之爭，享受吹奏嘅快感，而男女角色掉轉亦一樣得。至於第二種玩法會有啲難度，事關原意係指一對身高差距相當大嘅情侶，細細粒嘅女方企埋去小嘴啱啱好對準身材超高男伴嘅兵器，然後輕鬆自如地為對方吹奏，不過喺現實中相信好難搵到咁嘅情侶，故此形容女伴彎腰為男方吹奏都可以叫做「Roof Job」。
既然天台係唔少美國人心目中嘅曳曳熱點之一，四仔梗係唔少得以天台開波做主題啦！講到當中最具人氣嘅作品，係喺2011年推出嘅《I Want To Fxxx You... On The Roof Terrace》，由人氣脫星Black Angelika擔綱，夥拍Samantha、Wanda、Boroka Balls、Lucy Belle、Martina Mercedes、Aletta等合共17位脫星上陣，片中8場肉搏大戰都喺天台進行，玩盡天台任何一個角落，加上一眾脫星狂野演出，雖然作品未有喺頒獎禮中獲得提名，但係一眾四仔迷視呢部戲為天台情慾嘅經典。當然如此受四仔迷歡迎，全因Black Angelika做女主角，佢先後喺2009年嘅Hot d'Or及2010年嘅Erotixxx頒獎禮中獲得最佳歐洲新星及歐洲脫星大獎，艷名早就冠絕美國四仔界。
天台嘅日文叫做「屋根」，日本AV亦有以「屋根」為主題嘅作品，就係由獨立AV廠LAHAINA東海喺2009年推出嘅《天台上自娛熟女》，故事講述好色熟女生活枯燥，經常喺天台自娛。雖然搵嚟素人演出，但憑住有趣嘅題材而備受注目。LAHAINA東海早喺1992年3月成立，前身係屬於AV製作及分銷公司「OFFICE K'S」嘅一部分，其後分拆出嚟成為獨立製作公司，打住「最強戀物體感」嘅旗號登場，以拍攝戀物癖題材為主。佢以名古屋為根據地，雖然規模唔算大，但由於作品相當有創意，題材貼住日本城中熱話嚟抽水，故此成立至今23年，亦經歷過唔少風浪，仍然每個月推出超過10部新作。
撰文：魂