80末曾錦濤火仍未熄

「睇番都有啲眼濕濕，記得當時上晒報紙頭版，前路充滿希望，點估到熱潮話散就散。」訪問正值港隊作客卡塔爾翌日，港腳尚未歸隊的東方操練略顯冷清，曾錦濤正隨同樣曾是東亞運金牌功臣的黃展鴻，苦練邊線出波。說起球迷為港隊世盃外製作的打氣MV插入東亞運片段，不無感觸：「畀人叫做年輕球員好多年，係時間要出去闖！邊個唔想踢正選？依家喺東方起碼有得出場，相信我嘅決定冇錯！」

最美時光留在後備席虛耗，阿濤難掩失落，但仍對傑志心存感恩：「甘巴爾放膽畀我哋嘗試，就算有失誤都要求繼續用地波組織，令我用波能力改善唔少。畢竟盧均宜同我踢同一位置，爭輸心甘命抵，惟有練好啲唔好『hea』，否則早已經轉行！」

孤身作戰爭口氣

少年時代已與歐陽耀冲在港青並肩作戰，一路走來的1988、89年出生的「80末」戰友，逐一淡出球場，就像前太陽飛馬後衞蘇偉泉便轉戰娛樂圈。「睇住一個又一個戰友離開難免會寂寞，好想為我哋呢代人爭番口氣。」阿濤在家中四兄弟排行第二，大哥亮相港甲一季便投考教練牌，現於太陽國際體育會培育幼苗。

加盟東方獲上陣機會，曾錦濤（左）更加搏命。	為東方勇奪銀牌，好有成就感。	東亞運奪金一班功臣，只有阿濤（左二）及歐陽耀冲（右）仍在奮鬥。

阿濤自言從前青訓不及現在選擇多，適逢「80末」一代遇上足總削減青訓資源，唯一一次出外比賽，就是到新加坡出戰獅城盃。「當時大家好珍惜，放學未食飯就跑山谷體能。或者係我哋呢代Timing麻麻，華家堡散班後冇乜球會選擇，唔少隊友想踢都冇得踢。相比下，比我哋後生一批幸福好多。」

家人給予最強動力

縱然不甘，阿濤從沒嗟天怨地，即使僅能在港澳埠際賽才獲徵召，仍甘之如飴：「起碼都仲記得我！就算踢唔到一隊正選，起碼都要做到第4、5替補。」阿濤笑言母親曾將他的東亞運金牌展示給親朋戚友，回想小時候遭質疑踢波冇前途，家人與女友的支持，成為走下去的最強動力：「聽過好多打擊說話，但我始終相信唔放棄就可以達到目標。下一步最希望為東方贏得聯賽冠軍，出戰下年亞冠盃，見識更高水平足球。」

圖/文：kaka