廖國文有個世盃夢

畢特照趕 偶像哥連拿

「哥連拿（意大利光頭名哨）好有氣質同權威，我都好想好似佢咁，可以吹到世界盃決賽！」廖國文說得堅定有力。雖說未有刻意模仿哥連拿，這名港超名哨在場上執法同樣偏向嚴肅硬朗，小時候也曾參加過商業機構舉辦的訓練班，無奈一次拗柴斷腳，被父母狠心下令遠離足球。「連波衫波鞋都畀屋企人丟晒，後尾好番改打籃球又斷埋韌帶！」

球員夢碎，在身兼球證的中學老師啟發下，廖國文24歲投考足總球證培訓班，28歲正式執法港甲賽事。早年在「南傑大戰」面對曾效力曼聯的名將畢特，毫不猶豫向從後犯規的他出示紅牌，即使賽後遭球迷包圍「送行」，依然面不改容。「就算眼前球員係世界知名球星，做球證職責就係要按球例判罰。（出紅牌）嗰一刻絕對冇猶豫，亦明白球迷會因自己判罰唔開心，冇人想畀人鬧，但我會接受。做球證需要有信心及冷靜頭腦，臨危不亂處理所有情況。」

誤判難免 律己以嚴

曾因傷斷送球員夢，廖國文慨嘆「可能一個犯規就一世踢唔到波，好慘」，保障球員安全，成為他執起哨子的最強動力。無奈人眼難比電腦，他承認有過判斷失誤時，惟有律己以嚴。「除每場比賽後與裁判導師分析，足總球證部明每月也有研究會，從案例中探討該如何做得更好。」即使執法10年，廖國文現時主吹重要賽事，依然會緊張到失眠。說到最深刻賽事，是去年馬來西亞主場對沙特阿拉伯的世界盃外圍賽，球迷向球場投擲煙花，令比賽到88分鐘亦不得不腰斬。「球迷只是用錯了熱情方法支持球隊，其實早年吹乙、丙組、也試過雙方幾乎打大交。」

廖國文是現時香港其中5位國際足協註冊球證，當中3人也是較年輕的「80後」成員。他深信自鳳凰計劃改革球證部門後，水準比前提升，而他亦會向夢想奮戰：「所有球證的夢想也是主吹世界盃！若近一點的，希望可出席下一屆的亞洲盃決賽周。以往曾因體能問題差點『頂唔住』，但為了這個夢，一定會鞭策自己再操弗一點。」

文：Kaka

圖：司徒子文、受訪者提供