3分雨戰勇士復仇
「3分雨」狂灑勇士主場！聯盟一哥勇士昨天迎戰拓荒者，並憑「浪花兄弟」史堤芬居里同奇利湯臣，分別攻入34分同37分，帶領勇士以128比112贏波，兼且將聯盟跨季主場連勝紀錄，增加至47場，而兩隊加埋射入37球3分遠投，更創出NBA歷史新高！
「浪花兄弟」各轟30+
比賽一開始，勇士已經充滿復仇決心，希望報卻明星賽後慘敗的一箭之仇，史堤芬居里第1節已經攻入18分，最後全場交出34分、4次助攻同3個籃板數據，包括射入7球3分。另外，奇利湯臣有37分同6個籃板，當中射入8球3分，盡顯「浪花兄弟」威力。更令球迷驚喜的是，兩隊合共半場轟入24球3分，全場入37球3分波，一次過打破了聯盟嘅半場同全場射入3分最多紀錄！
同日，火箭作客以102比98擊敗塞爾特人，取得3連勝，占士夏登19投9中，取得32分、4次助攻同3個籃板，包括第3節攻入15分，而且個人今季第30次得分「30+」。另一方面，湯馬士有30分、2次助攻同2個籃板，但塞爾特人主場14連勝走勢始終斷纜。