南華屈機39分炒晉龍
被譽為「新時代」的本年度籃球球季昨日在修頓室內場開鑼，高級組銀牌衞冕的南華攻力大爆發以105比66大炒晉龍W.T.S打入勝方4強，盡顯霸氣，本月18日將與飛鷹爭入勝方決賽，頭場飛鷹於末段發力以83比74反勝遊協，賽事中雙方互有領先，戰況緊湊。
南飛18日硬撼爭入勝方決賽
今季籃球三強鼎立，東方、南華及永倫BIG3勢必鬥得燦爛，南華首仗出戰晉龍實力大超班，但比賽過程完全冇手軟，班主洪游奕亦非常關心球隊表現，親自到場督師，南華眾將全場狂攻對手如練波一樣，半場遙遙領先62比23，雖然只是季初，但三位主力羅意庭、梁兆華及惠龍兒狀態已甚弗，外圍籃底「瓣瓣有」，下半場「紅軍」繼續搶攻，最終淨勝對手39分，打響頭炮，惠龍兒攻入全場最高的19分，衞冕第一擊旗開得勝。
頭場遊協對飛鷹亦可觀性十足，由宗銘達擔任教練的遊協上半場先以42比38領先，令人驚喜，下半場更一度轉守人盯人，令飛鷹陷於苦戰，不過戰至第四節，飛鷹憑「籃壇黃曉明」蘇伊俊射入兩球關鍵3分，最終助飛鷹以83比74反勝遊協，取得第一場勝仗！攻入全場最高17分的高榮生賽後表示，自己發揮只算一般，球隊明顯並未上力，有待磨合，而對方表現比預期理想，能夠反勝對手關鍵在於隊友在末段集中應戰，防守上亦由被動改為主動，結果成功控制戰局，取得最後勝利。
銀牌採雙淘汰制，南華及飛鷹晉級勝方四強，本月18日對壘，遊協及晉龍亦有一次「復活」機會，落到負方於本月11日再鬥。