東方贏元朗出線還看今天

梁子成（藍衫）替南華埋齋。

休戰近10日的東方上半場強攻元朗不果，易邊後換入基奧雲尼「撳掣」，結果憑他梅開二度及羅拔圖罰球混戰建功，3比1擊敗有古斯達禾「破蛋」的元朗。東方賽後與標準流浪同得6分，一旦香港飛馬今日贏波，便會出現3隊同分情況。

東方主帥陳婉婷（牛丸）賽後誤以為球隊已憑得失球奪出線資格，但因同分先計算對賽成績，若相同再計算對賽得球，只有出現香港飛馬2比0擊敗標準流浪，才會依照對元朗的總得失球計算出線資格。經足總職員解釋後，「牛丸」雖難掩錯愕，亦不忘盛讚球員下半場踢出水準，惟有今日放棄情人節節目，入場緊貼香港飛馬對標準流浪的戰情。

「牛丸」賽後要足總職員解釋出線形勢。

東方巴域斯（藍衫）做「空中霸王」。

香港飛馬盡砌標準流浪

香港飛馬與標準流浪今午6時30分於青衣運動場對陣，當中總得失球最差的飛馬稍處下風，若只勝1比0或2比0仍要出局，而流浪只需不輸多過3球，便可進身4強。飛馬教練李志堅稱：「唔會諗咁多，最緊要踢場好波改善上半季表現。」

A組昨日賽事，南華憑一對新前鋒菲力斯保耶及賴恩格菲斯建功，加上梁子成「埋齋」，3比0大破冠忠南區確定次名出線。至於已篤定首名的傑志，今場2時30分假深水埗運動場與夢想駿其踢「例行公事」。