港超甜蜜蜜 睇吓佢哋搞啲乜

伍怡欣（Jessica）孖老公入場撐傑志

身為傑志項目及公關經理的Jessica剛於去年12月嫁作人妻，今日與丈夫Erik過婚後首個情人節：「今午當然會入場睇波，傑志喺聯賽盃對夢想駿其嘛！」她透露靚仔老公一早訂好餐廳齊齊享用浪漫晚餐，但Erik亦一如以往「玩神秘」，目的地要待今晚才揭曉；這位靚人妻除打算親手炮製愛心蛋糕，更一早送上實用禮物：「Erik因工作需換電腦，但他一直未能抽空購買，所以我已為他選購。」

林嘉緯炮製美食合家歡

家中養有可愛金毛尋回犬「芝治」及小臘腸狗「蝦頭」的傑志中場林嘉緯，情人節除要陪女友「阿Sa」，當然少不了兩隻愛犬，嘉緯表示拍拖已久不會特別慶祝，會選擇留在家一起煮大餐：「在家中露台食飯都幾好Feel！」他們亦會特別為狗狗製作美食，一起過佳節。

陳俊樂望入波做情人節禮物

清純的校園Puppy Love向來難忘，去年今日，剛從手術後傷愈的香港飛馬新星陳俊樂放下拐杖，找到女神Eva雙手牽引，踏出人生新一頁。「在我住院期間，Eva幾乎每天都來探我，扶我走路並鼓勵我康復，自然觸了電。」談起同系同學的初戀女友，球場上信心十足的「樂仔」也不禁一臉害羞。樂仔需同時兼顧踢波與學業，時間難免不夠，惟有「一齊溫書當拍拖」。來到第二個情人節，樂仔亦早有預備：「我特別從網上訂了可印上相片的朱古力。不過香港飛馬需在情人節踢聯賽盃，希望能用入球助球隊出線，兼作禮物送給她。」

Jessica同老公今日情人節節目就係入場撐傑志。	放大圖片	林嘉緯「一家四口」樂也融融。
陳俊樂同女友稱得上「金童玉女」。	英雄輝（左）笑指談樂軒先係筍盤。

筍盤英雄輝唔心急「埋班」

情人節戀人雙雙對對，但冇拖拍的「獨男剩女」不代表條件差過人，像香港球壇便不乏「鑽石筍盤」。去年世界盃外圍賽一登龍門的葉鴻輝變身本土英雄，自然被「絲打」們虎視眈眈。不過專心為東方爭取佳績的「英雄輝」對感情事順其自然，反而積極替身邊老友出手代牽紅線。

推介談樂軒夠細心純品

「英雄輝」羊年紅到爆燈，連帶感情生活也受到關注。向來低調的他笑言忙於操練，也有愛犬Geoffrey相伴，即使冇拖拍亦唔覺Dry。他更向絲打們推介其他港超「筍盤」：「咪睇『0靚仔』談樂軒（元朗中場）怕怕醜醜，其實佢細心又純品，做佢女友好幸福。」

而另一元朗「男神」元洋也以溫柔體貼俘虜不少「粉絲」，更安排母親從大連移居深圳灣家中方便照顧，單是孝順一環已攞滿分，仍未覓得另一半莫非要求太高？元洋怕醜笑說：「可能緣分未到吧，只要合得來，是香港還是內地女子也沒所謂。」筍盤待沽，絲打們要留意了!