談樂軒：我要做主角！

「由細到大畀人嗌o靚仔，幾時嗌到變阿叔？」所謂阿叔，今日才剛好25歲生日，14歲便獲挑選到曼聯奧脫福受訓；16歲獲港足Icon李健和青睞，隨華家堡亮相甲組聯賽，談樂軒的足球路贏在起跑線，卻迷失方向。他說：「港青年代根本不用擔心會入選不到代表隊，效力公民時又是年紀最小一個，犯錯也不會有人鬧，到『Kim Sir』金判坤重掌港隊，比較喜歡鬥心強及硬朗型球員，才開始有點危機感。」

贏在起跑 中途迷失

從小便跳級到比自己年長2、3歲的師兄同隊，內向的「o靚仔」備受呵護，但在嚴師李健和的鞭策下卻沒有例外。「就是在這片跑馬地草地，我因為傳失球被罰兔仔跳。我一邊跳，『李Sir』便一邊叫我轉行，眼淚不自覺流下來。他常責備我們這班年輕球員為何不加操，那時當耳邊風，長大了才明白他的苦心。如果我早2、3年醒覺，或者不會浪費這麼多時間吧。」

舊地重遊，才驚覺時間不留人。早前入選省港盃變身大師兄，次回合的入球，縱未助港隊獲勝捧盃，也讓沉寂已久的談樂軒重拾信心。「以前唔會特別去諗助攻及入球，依家就會比較緊張。每次重溫青年軍比賽片段，都會覺得唔甘心，我哋嗰種默契，真係好爽。好想再證明畀人睇我哋係得嘅。」他們那一輩，有大紅人葉鴻輝，有轉戰中甲的歐陽耀冲，也有銷聲匿迹的劉念溢。在訪問中，「o靚仔」說過不少名字，說得最多的，仍是恩師李健和，就連最擅長的長跑耐力，也是由他「逼」出來。

想畀和哥讚多次

「我見佢仲多過見阿媽！」這個「阿媽」很嚴厲，也有「望子成龍」的溫馨時刻。「『李Sir』落到草地便會變成另一個人，非常認真對待自己職業，每次落到場，我都好驚自己傳唔到波畀佢。不過有次亞協盃我後備上陣交出助攻，他在場邊嗌我名字，豎起手指公，搞到我有啲眼濕濕。印象中佢冇乜讚過我，好想再畀佢讚多次。」今季轉投元朗，「o靚仔」每朝8時起床，由灣仔家中「穿州過省」到天水圍練波。「係遠咗少少，但為咗有得踢，唔可以計較咁多。」自言不再是「o靚仔」的「o靚仔」，真的長大了。

圖／文：KaKa