以老帶新打機繫軍心
現年29歲的梁國威，今季由東方轉投港超新軍夢想駿其，成為實踐球隊「以老帶新」理念的重要元素，不過「孖指」在指導年輕球員之餘，自己亦因而「受惠」，場內場外與90後小將打成一片，令他心態上變得更年輕。
在家為人父、在場上也是前輩，惟「孖指」卻認為今季感覺自己變得更年輕：「球員大部分都係90後，同佢哋打成一片，心態上都會年輕啲，其實我都好細個，大佢哋幾年啫，哈哈！」他透露平日回家，也會與隊友上網連線打機：「唔通同佢哋講政治咩，梗係打機啦，『BB』（即黎洛賢）、『Lali』（即李嘉進）仲有基頓都會一齊玩！」「孖指」強調大家目標一致，自然會視隊友如好兄弟。
小將有鬥心感安慰
梁國威直言現今年輕球員鬥志不及前輩，幸季前的泰國集訓，令一班駿其小將心態改變，重拾鬥心：「季前去泰國集訓，面對實力較高嘅對手，令佢哋明白唔可以輕易放棄，心態上有所調整；我當然覺得安慰啦，作為後衞，輸得多會肉酸嘛！」