澳門大賽車當然唔少得賽車女郎，雖然昨日至係第1日正式賽事，但已有3組賽車女郎率先登場，大中華三地同洋妞都有，大騷長腿同美好身材。其中以歐陽若曦嘅「檸茶」車隊嘅兩位賽車女郎來頭最大，分別來自台灣同烏克蘭，搶晒鏡頭。
至於車場內外就一如以往，設有唔少攤位（上圖），其中場外嘅攤位售賣唔同嘅賽車周邊物品。不過，未知係咪因為未正式開賽，幫襯嘅人唔係太多，但相信跟住嗰幾日有改善！
