歷史重演唔係冇可能
余錦基（前港隊領隊）：「30年前冇人估到香港會贏中國，今晚歷史重演唔係冇可能，波係圓嘅！香港球員技術可能有啲退步，但體能及戰術比以前好，支持港隊今場爭勝。」
顧錦輝（519入波功臣）：「關於519嘅訪問，我已經畀人問過無數次，我當然好希望香港隊再贏中國喇，不過球迷亦毋須再談論519，因為港隊依家已經寫下新嘅歷史。」
張志德（519入波功臣）：「我對現時班後輩要講嘅說話，就係盡情享受這場比賽，將自己最好一面表現出嚟。香港隊當年冇壓力，依家同樣冇壓力，希望佢哋踢場好波。」
余國森（519港隊後衞）：「當年香港隊作客北京，要喺10萬名主場觀眾下作戰；相反今次港隊喺旺角場出擊有明顯優勢，只要最初10分鐘守得住，就咩事都會可能發生！」